د مؤسسې د مالي او اداري چارو مرستیال/Vice Chancellor of Financial and Administrative Affairs

About Ahmad Shah Abdali Institute of Higher Education

احمد شاه ابدالي د لوړو زده کړو خصوصي مؤسسه په افغانستان کې د طبي زده کړو له علمي مرکزونو څخه ده.

احمد شاه ابدالي د لوړو زده کړو خصوصي مؤسسه د افغانستان لوړو زده کړو وزارت د قانون او مقرراتو سره سم په خوست ولایت کې فعالیت کوي. نوموړي مؤسسه په ۱۳۹۱ لمریز کال کې د پوهاند دوکتور بادشاه زار عبدالي لخوا تأسیس شوه، چې یوازې یو د معالجوي طب پوهنځی لري؛ چې د ۷ کالو نظري او عملي زده کړو وروسته معالج ډاکټر فارغوي. نن ورځ موږ په افغانستان کې د مخکښو لوړو زده کړو مؤسساتو او پوهنتونونو څخه یو.

احمد شاه ابدالي د لوړو زده کړو خصوصي مؤسسې شپږ دورې فارغان ټولنې ته د خدمت په موخه وړاندې کړي، چې دا مهال په بیلابیلو دولتي او غیر دولتي روغتونونو کې د معالج ډاکټرانو په توګه دنده او یا هم تخصصونه ترسره کوي.

د یادولو وړ ده، چې یاده مؤسسه د WHO (World Health Organization) او PMC (Pakistan Medical Council) لخوا رسماً پیژندل شوي او د نړیوال طبي ښوونځیو په لېست کې یې نوم درج شوی او په عین وخت کې د کانډا او امریکا هېوادونو ECFMG (Educational Commission for Foreign Medical Graduates) سپانسر نوټ هم ترلاسه کړی.

Job Summary

د اعلان شمیر: دوهم ځل

د دندې سرلیک: د مالي او اداري چارو مرستیال

وزارت: د لوړو زده کړو وزارت

اداره: احمد شاه ابدالي د لوړو زده کړو خصوصي مؤسسه

پته: ۱۲۰۰ فامیلۍ (ازادۍ مینه)، خوست، افغانستان

څانګه: مالي او اداري چارو معاونیت

بست: دوهم

راپور ورکول: عمومي ریاست

راپور اخیستل: له اړونده آمریتونه، مدیریتونه او کمیټو څخه

Duties & Responsibilities

دندې:

1. د مؤسسې له رئیس سره په مالي، اداري او خدماتي برخو کې همکاري؛

2. د مؤسسې رئیس ته په مالي، اداري او خدماتي برخو کې لازمې مشورې ورکول؛

3. د مؤسسې د غیر اکاډمیک غړو د ټاکلو او ګوښه کولو په اړه قانوني اجراات؛

4. د مؤسسې د کارمندانو د تقاعد د حقونو د پلي کولو په اړه قانوني اقدامات؛

5. د اړوندو دفترونو د فعالیتونو او اجرااتو رهبري او څارنه؛

6. د مالي، محاسبې، خریدارۍ، د ملکیت او مالونو قید او راټولولو او نورو مالي، اداري او خدماتي مسایلو په اړه قانوني اجراات، په شمول د کارمندانو لیږد لپاره د مناسبو ترانسپورتي اسانتیاوو تنظیم کول او د تعلیمي فعالیتونو په اغیزمنه او اسانه توګه پلي کول؛

7. د اړتیاوو او پرمختګونو په پام کې نیولو سره، د مؤسسې په عادي او پراختیایي بودیجې باندې کار کول؛

8. د ودانیو، شنو ساحو او نورو اړوندو برخو د حفظ او مراقبت اړوند چارو څارنه؛

9. د مؤسسې د شتمنیو او ملکیتونو په اړه قانوني اقدامات؛

10. د مؤسسې اړوند ودانیو او چاپیریال کې د حفظ الصحي، نظافت او پاکوالي د شرایطو ډاډمن کول؛

11. د اړوندو احصایو چمتو کول او تنظیمول؛

12. د برښنا رسولو، اوبو رسولو، ودانیو د تودولو، د کافېټیریا سالم فعالیت او په دې برخو کې د مختلفو دفترونو نظارت په اړه د اغیزمنو او هر اړخیزو اقداماتو پراختیا؛

13. د مؤسسې د فزیکي زیربنا د پراختیا لپاره پلانونه او کاري پروګرامونه؛

14. د انتفاعي فعالیتونو د ایجاد او تشویق لپاره د پلانونو او کاري برنامو جوړول، د معاونیتونو او پوهنځیو سره په تفاهم کې د مؤسسې د مشکلاتو د حل په موخه له دغه پلانونو او برنامو څخه استفاده کول؛

15. د مؤسسې د ریاست او علمي شورا د فعالیتونو په اړه د راپور چمتو کول؛

16. د هر پوهنځي له ادارې سره د پوهنځیو د اداري او خدمتي غړو د ګمارنې او ګوښه کولو په اړه د کړنو همغږي کول؛

17. په اداري څانګه کې د لوړو زده کړو مؤسسې د علمي شورا د پریکړو د تطبیق تنظیم او څارنه؛

18. د محصلانو ساحوي علمي کادرونو لپاره د اړینو اسانتیاوو او سهولتونو برابرول؛

19. د متوقع اهدافو د ترلاسه کولو لپاره د اونیز، میاشتیني، درې میاشتیني او کلني کاري پلان ترتیب کول؛

20. د مؤسسې د قوانینو، پالیسیو او مقرراتو رعایتول؛

21. د مالي چارو د پالیسیو، طرزالعملونو او مقرراتو پلان او تطبیق؛

22. د مالي ماموریتونو پلان کول، تنظیم کول، همغږي کول او کنټرول؛

23. د بودیجې ترتیب، تطبیق او کنټرول؛

24. د محاسبې د چارو؛ د عوایدو چارو؛ او د تدارکاتو چارو څارنه؛

25. د مؤسسې د کارکوونکو او استادانو د معاشونو کنټرول؛

26. د بیلانسونو، ربع وار مالیاتو، معاشونو او نور مالیاتو ترتیب او تنظیمول؛

27. مستوفیت ته د مالي کال بیلانس وړاندې کول او دفاع کول؛

28. په خپل وخت د مالیاتو راپور وړاندې کول؛

29. د ورځنیو، اوونیزو او میاشتنیو راپورونو چمتو کول؛

30. د بشري منابعو په چارو کې همکاري؛

31. ټولې هغه دندې چې د قانون سره سم په مالي او اداري چارو مرستیال پورې اړوند دي.

Job Requirements

زده کړې، تجربه او مهارتونه:

د دې پوست لپاره لږ تر لږه اړتیاوې د ملکي خدماتو کارمندانو قانون په 7 او 34 مادو کې ذکر شوي.

1. د زده کړې درجه:

» لږ تر لږه ماسټر، د زده کړو لوړو درجو ته ترجیح ورکول کیږي.

2. اړینې تجربې:

» په اړونده څانګه کې لږ تر لږه ۲-۳ کلنه کاري تجربه ولري.

3. مهارتونه:

» د مدیریت مهارتونو درلودل؛

» د کمپیوټر مهارتونو درلودل؛

» د افهام او تفهیم مهارتونو درلودل؛

» د هیواد له ملي ژبو څخه په یوه ژبه تسلط لرل او له انګلیسي ژبې سره بلدتیا.

Submission Guideline

ټول علاقمندان او واجد شرایط کسان کولای شي چې خپله CV او Cover Letter د همدې وېب سايټ (Jobs.af) او یا هم د مؤسسې اېمېل ادرس (a.aihe@yahoo.com) له طریقه مؤسسې ته ولیږي.

Functional Area

Administrative

Education/ Training

Countries

Apply Now